შეკითხვა: გამარჯობა ბინიამინ, სუქაში მოწევა შეიძლება?
პასუხი: თქვენი შეკითხვა ძალიან მნიშვნელოვანია, რადგან სუქას განსაკუთრებული სიწმინდე (კდუშა) აქვს…
ჰალახის მიხედვით:
• სუქაში შეიძლება ვჭამოთ, დავლიოთ, დავისვენოთ – როგორც სახლში, მაგრამ მოწევასთან დაკავშირებით რამდენიმე საკითხი არსებობს:
პატივისცემა და სისუფთავე: რაბები გვასწავლიან, რომ სუქას ისეთი საქციელი არ შეეფერება, რაც უსუფთაობას ტოვებს – მაგალითად ნაგავი, ცუდი სუნი და განსაკუთრებით მოწევა. ეს ამცირებს სუქას სიწმინდეს.
ზიანი სხვებისთვის: თუ სხვა ადამიანიც ზის სუქაში, მოწევის დროს სუნმა ის შეიძლება შეაწუხოს და ავნოს ჯანმრთელობაზე… თორა კიდევ გვასწავლის: „გიყვარდეს შენი მოყვასი როგორც შენს თავი“ და ასევე „არ ავნო სხვას“. ამიტომ საზოგადოებრივ სუქაში მოწევა დაუშვებელია…
რაბი მოშე ფაინშტაინი ბრძანებს: „…რადგან სიგარეტის მოწევა არის უზნეობისა და ფუჭობის გზა და თან სუქას აბინძურებს და უსიამოვნო სუნს ტოვებს, ეს არის სუქას სიწმინდის შეურაცხყოფა, ამიტომ ამის გაკეთება აკრძალულია…“
პ.ს. ზოგადად სჯობს ისრაელის შვილი მოერიდოს სიგარეტის მოწევას, რადგან ის აზიანებს ადამიანის ჯანმრთელობას – საფრთხეს უქმნის მის სიცოცხლეს, თორა კი გვავალებს „გაუფრთხილდით და დაიცავით თქვენი ჯანმრთელობა და სიცოცხლე“…
პატივისცემით ბინიამინი
