მალე იომ ქიფური მოდის. დღე, როცა კიდევ ერთხელ გაგვასამართლებენ ზეცაში, ჩვენი ცუდი თუ კარგი საქციელისთვის. მე ასე მჯერა, რომ ეს არამარტო თითო- თითო ადამიანის გასამართლებაა… და არამარტო ერთი ადამიანის ბედი წყდება… არამედ წყდება ბედი მთელი ერისა… ახლაა დრო სწორ გზაზე დაბრუნების… ახლაა დრო ვიპოვოთ ჩვენს თავში ის განსაკუთრებული რაღაც, რაც ჩვენში ჩადო უფალმა… ახლაა დრო დავემსგავსოთ იმ რჩეულს ერს , რომელიც თავს მოიწონებს მთელი მსოფლიოს სხვა ხალხებში. ჩვენ დიდი მისია დაგვაკისრა უფალმა… გამორჩეულობა… და ეს უნდა გავამართლოთ.
თუკი ვიქნებით ერთიანები , მტერი ვერასოდეს დაგვამარცხებს. გაიხსენეთ ფაშიზმის პერიოდი. გაგვწყვიტეს, დაგვხოცეს, დაგვწვეს, გაგვგუდეს, თითქმის გაგვანახევრეს, მაგრამ მაინც ვერ აღჰგავეს პირისაგან მიწისა ებრაელი ერი… ჩნდება კითხვა რატომ, როგორ მოვაღწიეთ აქამდე? როგორ გავუძელით ამ ყველაფერს?… პასუხი ,ჩემი აზრით,ერთია …უფალს არასოდეს დაურღვევია ჩვენი მამებისთვის მიცემული პირობა… რომ ებრაელ ერს არასოდეს გადააშენებდა. უფალი გვიცავს ჩვენ და დროა ჩვენც გავახაროთ უფლის გული და მოვამაღლოთ მისი სახელი. . . და კვლავაც გამრავლდება ისრაელის შვილი ისე , როგორც ცაზე ვარსკვლავები და ზღვაში ქვიშა… ამენ.
MBKSTARS - გზა გამჩენისაკენ 
დატოვე კომენტარი